何詩蓓奧運奪銅：滿意成績 展望未來
企上頒獎台唔容易 感謝支持
香港飛魚何詩蓓在奧運會女子200米自由泳項目中奪得銅牌。雖然她坦言游出的時間不如預期，但對成績已感到滿意。
何詩蓓賽後表示：「時間冇我想像中咁快，但係我都好滿意自己嘅成績。我知道澳洲選手實力非常之強，所以我都係盡自己努力。出場見到好多香港旗，好多香港市民為我打氣，加上我爸爸媽媽同屋企人都喺度，所以特別難忘。」
談到作戰部署，她解釋：「我知道自己200自頭一半發揮得好啲，希望一開始可以領先少少，因為我知道澳洲隊兩個臨尾50米一向都好快。」
連續兩屆奧運創佳績 目標再創個人最佳
何詩蓓成為首名在奧運會獲得三面獎牌的香港運動員。她表示：「我好開心，因為我知道今屆對手實力比上次更加強，所以企上頒獎台唔容易。但係我對自己嘅訓練同自己都好有信心，知道只要發揮到平時嘅水準，就應該游到唔錯嘅成績。今次喺有觀眾情況下比賽，氣氛特別唔同。」
她補充：「我自己嘅目標係可以游到個人最佳時間。不過今屆你見到成個比賽嘅時間都比上次慢咗，可能有唔同因素。好多人話因為個池淺咗好多，淺咗差唔多1米，所以影響到水流同比賽時間。」
何詩蓓今屆尚會參加100米自由泳及接力賽。談到即將在周二進行的100米自由泳初賽，她表示：「平常心面對，應該唔需要盡全力都可以入到準決賽，一步一步嚟。」
延伸閱讀