車仔喜迎柏度尼圖 季前賽逼和國際米蘭
柏度尼圖5400萬鎊加盟創紀錄
車路士周日完成咗柏度尼圖嘅收購，呢名狼隊前鋒據報以5400萬鎊加盟。柏度尼圖同車路士簽咗一份長達7年嘅合約，喺對國際米蘭嘅熱身賽半場休息期間，佢現身史丹福橋同球迷打招呼。
「我好感激能夠加入呢間球會，喺職業生涯非常努力先至嚟到呢度，期待穿上呢件球衣比賽。」呢位24歲葡萄牙前鋒同球迷講。
根據BBC報導，車路士之前向狼隊報咗兩次價都俾拒絕，而家確認以5130萬鎊嘅初始轉會費引入柏度尼圖，附加條款為260萬鎊。呢筆轉會費將會創下狼隊嘅出售紀錄，打破咗去年夏天將尼維斯售予艾希拿嘅4700萬鎊紀錄。
季前賽藍軍逼和國際米蘭
同日，車路士喺季前熱身賽對陣國際米蘭。作客嘅國際米蘭喺25分鐘由馬卡斯杜林先開紀錄。藍軍喺完場進入補時前，由奧高卓古喺禁區內抽射扳平，最終以1:1打和。
延伸閱讀