安巴比西甲處子戰無功而返 皇馬主場和波失分
皇馬新星首戰表現平平
雖然基利安·安巴比（Kylian Mbappé）上週中替皇家馬德里首次上陣即開齋兼捧走歐超盃，但佢嘅西甲處子戰就冇咁幸運。全場4次射門零入球，球隊最終喺主場被馬略卡逼和1:1。
皇馬續排出歐超盃奪冠陣容，新加盟嘅安巴比同比寧咸、雲尼素斯同洛迪高組成鋒線。開波僅13分鐘，洛迪高接應雲尼素斯嘅傳球，拐入大禁區妙射建功，為皇馬領先。
馬略卡頑強反擊 皇馬失守
下半場50分鐘，馬略卡藉左路角球，由穆里基頭槌建功扳平。被追和嘅皇馬加強進攻，安巴比62分鐘同69分鐘先後有兩次黃金機會，可惜都畀馬略卡門將佳爾化解。
皇馬之後愈攻愈急，但教練安察洛堤調動稍嫌太遲。補時階段，費朗文迪因高腳踢中穆里基嘅頭而領紅牌被逐。最終兩隊1:1握手言和，安巴比今仗4次射門得2次中框，未能取得西甲處子入球。
延伸閱讀