女子200米自由泳決賽何詩蓓僅列第四名

東京奧運兩銀得主何詩蓓（Siobhan）週三晚（26號）出戰國際泳聯長池世界錦標賽女子200米自由泳決賽，力爭個人首面長池世錦賽獎牌。最後咩詩蓓以一分53.96秒僅列第四名。呢場萬眾等咗好耐嘅焦點賽事聽暇，佢感慨呢場世錦賽決賽較奧運難度更高。
200自決賽強敵環伺，何來詩蓓以第5名成績入決賽，喺第2線條游出一分53.96秒，名列第四。完賽後Siobhan捉住池邊凝望計時板片刻，眼神中帶一絲失望，但上水後即重現招牌露齒笑容，。
走入訪問區，一路透氣，Siobhan邊感嘆道：「又系第四，同四年前一樣。」四年前，Siobhan以一分54.98秒到第四名，但已為香港遊水寫下歷史新一頁；四年後嘅今日，Siobhan過當時快1.02秒，就再度名列第四。
Good is not good enough
即使Siobhan之後喺東京奧運勇奪兩面銀牌，同年於短池世錦賽勇奪200自金牌同打爛世界紀錄，喺短池累積三金1銀1銅，但到而家仍冇緣長池世錦賽頒獎台。「我已經盡力，做到自己嘅部署，但Good is not good enough。」
Siobhan就即提起聽日嘅100自初賽，同我哋講，都好似系同自己講：「唔緊要，呢個比賽未完。」
回望奧運200自，Siobhan直指兩場決賽好唔同：「同奧運有啲出入，我覺得今次更加難，特別系出現咗世界紀錄。」因為呢場除咗有東京奧運金牌、老對手迪梅絲（Ariarne Titmus），仲有摘銅嘅加拿大16歲小將麥堅杜殊（Summer McIntosh）同以一分52.85秒封后、打爛義大利名將柏歷堅妮喺2009年創下一分52.98秒世界紀錄嘅澳洲十九歲新星奧卡拉瑾（Mollie O’Callaghan）。
聽朝嘅100米自由泳賽事，奧卡拉瑾將會與Siobhan「前後腳」出戰初賽，面對新生代出現，Siobhan都笑說：「（200自賽前）我睇名單，全部都系00年，淨系得我同另一個女仔（中國泳手柳雅欣）系9幾年我唔覺得自己老，但見全部系00後。」雖然爭牌之路變得更副挑戰，佢唔系認同年紀代表咩：「只系恢復方面一定冇佢哋好，但我覺得年紀唔代表快慢，唔緊要，繼續！」
何詩蓓明日（七日）朝早將轉戰100自初賽，力爭晉級準決賽資格。