巴黎聖日耳門門將當拿隆馬寓所被爆竊

根據法國傳媒報導，巴黎聖日耳門門將當拿隆馬（Gianluigi Donnarumma）喺巴黎寓所畀爆竊，佢同女朋友更畀綁匪綁起，一共損失五十萬歐羅財物，好彩兩人成功走甩。
喺法國時間週四（二十日）夜麻麻，效力巴黎聖日耳門嘅當拿隆馬同女友喺巴黎第八區區寓所，遭到數名賊人入屋行劫，當拿隆馬同女友畀賊人打傷，兩人更被綁起，根據法媒《Actu17》指，佢哋屋企瘀失總值約五十萬歐羅嘅財物。
法國傳媒報導，當拿隆馬與伴侶成功喺屋企鬆綁，喺半夜三點四個字前往寓所附近嘅一間豪華酒店求救，酒店文員協助報警求助，並露出驚青嘅神情，據悉兩人隨後再送院接受治理，而巴黎警方已經接手調查。
當拿隆馬已非首名PSG籃嘅寓所失竊，迪馬利亞同馬昆奴斯巧合噉喺2021年3月同日畀爆格，PSG方面為麾下連隨聘任保安公司。