西班牙2：1 絕殺意大利

歐洲國家聯賽爭標組4強，西班牙與義大利爭奪決賽席位，「狂牛兵團」借祖斯盧88分鐘嘅絕殺入球，最終以2:1力克對手晉級，星期日（18號）晚與克羅埃西亞爭冠軍。
開賽早段，西班牙前場逼搶，義大利隊長邦路斯失控波，傑裡邁亞賓奴（Yeremi Pino）禁區內熨射先開紀錄，西班牙3分鐘領先1:0。義大利嘅辛尼奧路禁區內抽射，就慳中拿洛文特嘅右手，球證吹罰12碼，恩莫比尼操刀中鵠，義大利11分鐘追成1:1平手。
義大利嘅大衛法迪斯（Davide Frattesi）隨後曾單刀射破西班牙門，惜越位在先無效。直至末段，洛迪卡斯直迪禁區之外，起腳，慳中義大利籃改變方向，啱啱落喺門前嘅祖斯盧面前，松加一腳，將皮球送入絲網，88分鐘攻入絕殺波，結果西班牙以2:1力挫義大利晉級，將喺星期日晚與克羅埃西亞爭奪呢屆歐國聯錦標。