迪斯高倒戈鬥曼城爭冠

曼城已經叱咤球英超同英格蘭足總杯，只要喺今晚（10號）夜麻麻嘅歐聯決賽，擊敗國際米蘭，就可達成「三冠王」創舉。隔歷史淨係爭一步，曼城喺歐聯決賽嘅大舞台上，就遇上當年首奪英超嘅無名功臣，而家調轉槍頭變阻力。再度重遇你，可喜定可悲呢？
歐聯決賽
2012年，曼城歷史性首奪英超，相隔11年後，「藍月光」距離「三冠王」只差最後一關，當年有份創下歷史嘅功臣，而家竟然變成敵人。
2011/12波季英超煞科戰，阿古路「9320」絕殺波當然為人傳頌，但若無追平一球，就唔能夠成為英雄。下半場補時階段，大衛壅華走角球，迪斯高（Edin Dzeko）跳頂頭錘仔破網追平，或者係個名波士尼亞前鋒幫曼城攻入嘅72波中，最重要嘅一球。
「阿古路嘅入球似系一切，話曬呢入球為曼城帶嚟等咗好耐已久嘅冠軍。我入球較少人談論，呢系正常，但我知，呢入球對曼城歷史上系同樣緊要。」
迪斯高出道初期有「波士尼亞鑽石」（Bosnian Diamond）嘅稱號，其後喺禾夫斯堡打出堂，2011年受文仙尼嘅賞識，將佢帶去曼城。迪斯高喺曼城嘅日子中規中矩，雖則唔似阿古路或者夏蘭招般成功，但佢都曾經贏得英超、足總杯同聯賽杯錦標，以當時都唔系「完全訂」曼城而言，迪斯高與曼城算系好匹配。
直至柏歷堅尼年代，曼城前線除咗有阿古路同迪斯高，仲有韋費特邦尼（Wilfried Bony）、祖維迪（Stevan Jovetic）。2014/15波季，迪斯高喺曼城嘅位置畀動搖全季聯賽上陣22次，並僅到4個入球，隨後萌生離隊嘅念頭，翌季畀之外，借至羅馬，同後更正轉投意甲嘅首都狼。
「我同柏歷堅尼嘅意見不合，當時嘅，我喺生涯最佳狀態，我唔想留後備客席，故此我揀羅馬，我都唔覺得後悔。」迪斯高近年接受訪問解釋點解離開曼城，佢喺機緣巧合下開展你嘅咗意甲嘅生涯。
2021年，迪斯高年屆35歲依然系有市場，國際米蘭出售盧卡古後，向呢名老將招手。迪斯高仍然有唔少上陣機會，今季意甲上陣33場，亦交出9個入球，以一個37歲老將而言，呢個入球數字已經好有交代。
當外界以為迪斯高喺意甲養老時，佢就喺意甲揾到生涯嘅第二春，先喺羅馬以表現證明自己，效力國際米蘭更加系佢收成期，兩度捧走義大利杯，而家更有機會生涯首度出戰歐聯決賽，爭奪生涯最重要嘅錦標。

今晚夜麻麻喺土耳其伊斯坦堡舉行嘅歐聯決賽，迪斯高再遇上舊東家，由當年功臣變敵人，而家各為其主，迪斯高梗系希望笑到最後，「我已經37歲嘞，先首度晉身歐聯決賽，或者已經系最後一次，但點我都會好好享受。我哋而家同世界上最佳隊波見面，若要捧起冠軍，我哋全隊都要發揮超水準先有機會。」
迪斯高再度重遇曼城，可喜定可悲，今晚夜麻麻就會捉盅。